Little Soul

നിന്മിഴികളിൽ തുളുമ്പുന്നൊരനുരാഗം മഴനീർതുള്ളിയായ് നീ പൊഴിയുമോ ശലഭമായ് ഞാൻ അണഞ്ഞിടാം എന്നും നിന്റെ സ്വന്തമായ്... ഹൃദയവീണയിൽ നിൻമൃദുസ്പർശം രാഗമായണയവേ... പ്രണയപുഷ്പമായ് എന്നിൽ വിരിഞ്ഞു നീ കൊഴിയാതെ ഇന്നുമെൻ പ്രിയസഖിയായ് തിരയെ തഴുകുന്ന കാറ്റുപോലെ തേൻ നുകരും വണ്ടുപോലെ ഇതളുകളായ് വിരിയും നിന്നിൽ മായാത്തൊരോർമ്മയായ്...

ഹൃദയം നുകരും പ്രണയനാദമായ് എന്തിനു നീയെന്നരികിലെത്തി വിടചൊല്ലാൻ കഴിയില്ല, നിൻ ഹൃദയത്തിൽനിന്നും എനിക്കിനിയേതു മൃത്യുവിധിച്ചാലും ഇനിയൊരു ജന്മംകൂടെ വിധിച്ചാൽ പുനർജനിക്കും നിൻ സഖിയായി... തിരകളെ തഴുകുന്ന കാറ്റിൻനാദം ഇന്നെന്തേ മൗനമാർന്നു... വിരമിക്കാൻ കഴിയില്ലിനി അത്രമേൽ സ്നേഹിച്ചുപോയി ഞാൻ...

ആർദ്രമാം പ്രണയവുമായ് നിന്നെത്തേടുംനേരം കുഞ്ഞിളം കുസൃതിയുമായ് നീ കാണാമറയത്തിരുന്നെന്നെ നോക്കി മൃദുലമാം നിൻ വിരലുകൾ എൻവിരലുകളെ തഴുകവേ അറിയാതെൻ ഹൃദയം നിനക്കായ്‌ ഈണം മീട്ടി മഴപോൽ വന്നുനീയെന്നിൽ അലിഞ്ഞു ആ നൽകുളിരോർമ്മയാൽ ഞാൻ നിന്നോടടുത്തു നിൻ മന്ദഹാസത്താൽ ഞാൻ എന്നെത്തന്നെ മറന്നു മധുകണം തുളുമ്പുമാ പുഞ്ചിരിയിൽ എന്നോടുള്ള നിൻ പ്രണയം തെളിഞ്ഞു നിൻ സ്വരമെൻ കാതോരം മന്ത്രിച്ചോരാ വാക്കുകൾ എന്നെ തൊട്ടുണർത്തി അകലെയാണെങ്കിലും, നിൻ ഹൃദയതാളം എന്നാത്മാവിലൊരംശമായ് അണയവേ അനുരാഗത്തിൻ മാധുര്യമെന്നിൽ ശലഭമായ് പൂവണിഞ്ഞു...